‘வித்யாசமான ஸ்டைலில் நடிப்பேன்’ – இலியானா

நடிகை இலியானா தெலுங்கில் புகழ்பெற்ற நாயகியாக வலம் வந்த போதிலும், தமிழ் ரசிகர்களுக்கு அவ்வளவாக பரிட்சயம் ஆகவில்லை. எனவே ‘3 இடியட்ஸில்’ அவரது நடிப்பை காண மொத்த தமிழ் ரசிகர்களும் ஆவலாக காத்திருக்கின்றனர். ‘3 இடியட்ஸின்’ தமிழ், தெலுங்கு என இரண்டு பதிப்புகளிலும் இலியானா நாயகியாக நடிக்கவுள்ளார்.
விஜய் நாயகனாக நடிக்கும் தமிழ்ப் பதிப்பிற்கு ‘மூவர்’ என்றும், மகேஷ் பாபு நாயகனாக நடிக்கும் தெலுங்குப் பதிப்பிற்கு ‘3 ராஸ்கல்ஸ்’ என்றும் பெயர் வைக்கப்பட்டுள்ளது

ஏற்கனவே தமிழ் மற்றும் தெலுங்கு ரசிகர்களுக்கு ஏற்றவாறு ‘3 இடியட்ஸின்’ கதையை ஷங்கர் மாற்றிவிட்ட நிலையில், ‘3 இடியட்ஸில் கரீனாகபூரை போன்றல்லாது, எனது ஸ்டைலில் நடிக்கப் போகிறேன்’ என இலியானா தெரிவித்துள்ளார். ஷங்கர் இயக்குவதால் இப்படத்தை தனது கனவுப் படமாகவே இலியானா கருதி வருகிறார்.
இப்படத்தில் இலியானாவிற்கு போட்டியாக இரண்டாவது நாயகியையும் ஷங்கர் அறிமுகப்படுத்தியுள்ளார். இப்படம் திரையுலகில் தனக்கு நிரந்தர இடத்தினை பெற்று தரும் என இலியானா உறுதியாக நம்பி வருகிறார்.