ஃபெப்ஸி விஜயனின் புதிய அவதாரம்!

திரைப்பட தொழிலாளர் சம்மேளனமாகிய ஃபெப்ஸியின் நிர்வாகக் குழுவில் 15 ஆண்டுகள் சக்திமிக்க தலைவர்களில் ஒருவராக இருந்தவர் ஃபெப்ஸி விஜயன். அடிப்படையில் ஸ்டன்ட் கலைஞரான விஜயன், சங்கத்தில் சிறப்பாக செயல்பட்டிருந்தாலும் கடந்த சங்கத்  தேர்தலில் தோல்விடைந்தார். யார் தோற்றாலும் ஃபெப்ஸி விஜயன் தோற்க மாட்டார் என்பதுதான் பேச்சாக இருந்தது. தற்போது தனது தோல்வியையே வேறுவிதமாக பயன்படுத்திக்கொண்டிருகிறார் விஜய    ன். யெஸ்! முன்பு சங்கத்தலைவராக இருந்தபோது சங்கத்துக்கே அதிக நேரம் செலவழித்து வந்த விஜயன், இளையதளபதி விஜயின் ஆஸ்தான ஸ்டன்ட் மாஸ்டராகவும் இருந்து வந்தார். ஆனால் சூப்பர் சுப்பராயன் திடீரென்று அந்த இடத்தைப் பிடித்துக்கொள்ள, இப்போது நிறைய நேரம் கிடைத்து விட்டது விஜயனுக்கு. இதனால் இயக்குனராக அவதாரம் எடுத்திருக்கிறார் விஜயன்.

இவர் நினைத்தால் இளைய தளபதி விஜயின் கால்ஷீட் பெற்று படம் இயக்க முடியும். ஆனால் தனது மகனையே ஹீரோவாக்கி சத்தமில்லாமல் மொத்த படத்தையும் எடுத்து முடித்து விட்டார். எடுத்த எடுப்பிலேயே தமிழ், தெலுங்கு என இரு மொழிகளில் படத்தை இயக்கியிருக்கும் விஜயன் விரைவில் இந்த படத்தைப் பற்றி மீடியாவுக்கு அறிவிக்கலாம். ஆனால் அதற்கு முன்பு நமக்கு கிடைத்த செய்தி, நெத்தியடி அடிக்கிற ஃபெப்ஸி விஜயன் தனது முதல் படத்தில் துளிக்கூட ஆக்‌ஷன் வைக்கவில்லையாம்! மகனை வைத்து மென்மையான காதல் கதையை இயக்கி இருக்கிறாராம். சூப்பர் பன்ச்சா இருக்கே!